- Want to avoid the screen time usage of your kids then Take the print and bind the pages of this Urdu story and create your own copy of a storybook.
- Want to avoid adds...go to simplified page option
- #Urdubedtimestory #Urdustoriesforkids
- Download for offline reading
اردو کہانی بچوں کے لۓ
عشان اور خلاٸ مخلوق
اردو کہانی بچوں کے لۓ
مصنفہ: صاٸمہ ندیم
ایک دن عشان اپنی چھت پر
پتنگ اڑا رہا تھا۔ اس دن بہت اچھی ہوا چل رہی تھی اور اس کی پتنگ ہوا میں بہت اونچی اڑ رہی تھی کہ اچانک آسمان سے کوٸ چیز تیزی سے زمین کی طرف آٸ اور اس کی پتنگ میں اٹک گٸ۔ وہ ایک بڑی سی اڑن طشتری تھی جس پر رنگ برنگی بتییاں جل رہی تھیں۔ عشان نے اپنی پتنگ بچانے کی بہت کوشش کی لیکن اس کی پتنگ کٹ گٸ اور وہ اڑن طشتری اس کی چھت پر آ گری۔ عشان ابھی حیران پریشان کھڑا اڑن طشتری کو دیکھ ہی رہا تھا کہ اس میں سے ایک تین آنکھوں اور سر پر اینٹینا والی خلاٸ مخلوق باہر آٸ۔ وہ خلاٸ مخلوق کافی غصے میں لگ رہی تھی۔
اس نے باہر آتے ہی عشان کو دیکھا اور اسے بجلی کا اک جھٹکا لگایا۔
۔”کتنے گندے بچےہو۔۔۔ پتنگ اڑاتے ہو! پڑھتے وغیرہ ہو نہیں بس آوارہ گردی کرتے رہتے ہو۔ میری اڑن طشتری بھی تمہاری پتنگ کی وجہ سے تباہ ہوتے ہوتے بچی ہے۔ اب تمہاری سزا ہے کہ تم پو ری زندگی اپنا سیدھا بازو اوپر نہیں کر سکو گے“ خلاٸ مخلوق غصے سے بولی۔
۔”کیا۔ ۔۔ تم ہو کون۔۔۔ میرے بارے میں کیسے جانتے ہو؟ ایک تو میری اتنی مہنگی پتنگ کاٹ دی اور اب۔۔۔،“ عشان بدلہ لینے کے لۓ آگے بڑھا تو خلاٸ مخلوق نے اسے ایک اور بجلی کاجھٹکا دیا اور عشان کو اپنے بازو میں شدید درد محسوس ہوا۔
۔”میں سیارہ سین کا مشہور ساٸنسدان ہوں۔ میں تمہارے سیارے میں اپنی ریسرچ کے لۓ آیا تو مجھے معلوم ہواکہ یہاں تم اور تمہارے جیسے بہت سے گندے بچے رہتے ہیں۔ اب تمہاری پتنگ کی وجہ سے کتنے لوگ مر جاتے ہیں۔ تم خود چھت سے گر جاتے ہو لیکن پھر بھی باز نہیں آتے۔۔ بڑے ہو کر تم کوٸ چھوٹی موٹی نوکری ہی کر سکو گے۔ تمہارے پاس پیسے ہوں گے اور نہ ہی عزت ہوگی۔مجھے پتہ ہے کہ تم پڑھاٸ میں ایک نالاٸق بچے ہو اور کافی بدتمیز بھی ہو۔ سچ کہہ رہا ہوں نہ میں“۔
عشان تھوڑا شرمندہ ہوا کہ اسے سب کیسے پتہ چلا لیکن اس نے اپنی شرمندگی چھپا لی۔
۔”تمہیں کیا مسٸلہ ہے میں جو مرضی کروں۔۔۔ میں ابھی اپنے دوستوں کو بلا کر تمہارا علاج کرواتا ہوں“۔
۔” تمہارے نکمے نکھٹو دوستوں کا بھی وہی حال کرتا جو تمہار ا کیا ہے لیکن
میں وقت ضاٸع نہیں کرتا اور نہ ہی خواہ مخواہ لڑاٸیاں کرتا ہوں۔“ یہ کہہ کر خلاٸ مخلوق نے اپنی اڑن طشتری کا جاٸزہ لیا اور اس پر بیٹھ کر اڑنے ہی والا تھا کہ عشان اپنا بازو پکڑ کر بھاگتا ہوا اس کے پاس گیا۔
۔”مجھےبہت درد ہو رہی ہے۔ میرے بازو کو ٹھیک کردو۔“
۔”ابھی نہیں۔۔۔ تم اپنی عادتیں بدلو۔۔۔ درد خود بخود ٹھیک ہو جاۓ گی۔“ یہ کہہ کر اڑن طشتری آسمان میں غاٸب ہو گٸ۔
۔”تم یاد رکھنا میں ایک دن تم سے اس بے عزتی کا بدلہ ضرور لوں گا“۔ عشان غصے میں چلایا۔
تھوڑی دیر بعد عشان کے بازو کی درد تو ٹھیک ہو گٸ لیکن حیرت انگیز طور پر وہ ایک بہت اچھا بچہ بن گیا۔ وہ دن رات پڑھنے لگا یہاں تک کہ پڑھ لکھ کر وہ ایک بڑا خلاٸ ساٸنسدان بن گیا۔ اس کی ہر جگہ بہت عزت تھی اور اپنے ملک کا سب سے امیر آدمی بن گیا تھا۔ وہ اپنے ذاتی خلاٸ جہازپر بیٹھ کر آسمان میں مختلف سیاروں ، چاند اور ستاروں کی سیر کو جاتا تھا لیکن وہ خوش نہیں تھا۔ اسے کسی کی تلاش تھی۔ آخر بہت سالوں بعد وہ ایک سیارے کی سیر کر رہا تھا کہ اسے ایک چھت پر وہی خلاٸ مخلوق نظر آٸ۔ با لکل ویسی ہی شکل تھی۔ عشان نے اپنے جہازکے کمپیوٹر پر اسکین کیا تو اسے پتہ چلاکہ وہ اس سیارے کا ایک گندہ بچہ ہے جو بالکل نہیں پڑھتا اور بڑا ہو کر وہ ایک غریب آدمی ہی بنے گا۔ یعنی اس خلاٸ مخلوق نے بھی عشان کے بارے میں اسکین کیا تھا۔ عشان کو شرمندگی ہوٸ اوربہت غصہ آیا ۔لیکن ساتھ ہی وہ بہت خوش ہوا۔ وہ جلدی سے اس چھت پر اترا اور اس خلاٸ مخلوق کو بجلی کا ایک جھٹکا لگایا۔
۔”آہ۔۔۔ آخرکار میں نے بدلہ لے لیا۔“ عشان خوشی سے چلا رہا تھا کہ کسی نے پیچھے سے اسکو کرنٹ لگایا اور عشان کے بازو میں شدید درد اٹھا۔ پیچھے ایک بوڑھا خلاٸ مخلوق کھڑا مسکرا تھا۔
۔”اوہ تو ایک پتنگ اڑانے والا گندہ بچہ اپنی محنت سے خلاٸ جہاز أڑاتا مجھ تک پہنچ ہی گیا۔ مجھ سے تو آج بھی تم جونیٸر ہی ہو۔ چلو اب تم میرے بیٹے کو سبق سکھا سکتے ہو شا ید یہ بھی سدھر جاۓ ۔“
۔”ضرور ضرور۔۔۔نالاٸق اور کام چور بچوں کے لۓ تو میرے پاس بھی کٸ علاج ہیں۔ آپ ہی تو میرے استاد ہیں۔
عشان اس بوڑھے خلاٸ مخلوق کو دیکھ کر آگے بڑھا اور اسے گلے لگا لیا۔
۔”میں تو آپ کو یہ بتانے آیا تھا کہ اب میں سیارہ زمین کا سب قابل خلاٸ ساٸنسدان ہوں اور یہ کہ اب میں گندہ بچہ نہیں ہوں۔
اور آپ کو یہ بتانے کے لۓ میں کتنے سالوں سے آپ کو ڈھونڈ رہا تھا۔”
اچھا اب آہی گۓ ہو تو مجھے خلا کی سیر ہی کروا دو۔ دیکھوں تو سہی تمہیں خلاٸ جہاز اڑانا بھی آتا ہے یا نہیں“۔
۔”جی ضرور۔ اب تو میرے ملک کے بہت سے نوجوان بہترین ساٸنسدان ہیں۔ آٸیں میں آپ کو ان کے خلاٸ جہاز بھی دکھاٶں“۔
اس کے بعد عشا ن اور وہ خلاٸ مخلوق خلاٸ جہاز پر آسمان کی طرف بڑھے اور خوب سیر کی۔ اور ہاں وہ خلاٸ مخلوق کے بیٹے کو بالکل بھی ساتھ نہیں لے کر آۓ اور عشان اسے بازو میں جھٹکے والی درد دینا بھی نہیں بھولا۔
