کتاب۔ اردو نظم

پہلے دن جو کھولتے ہیں کتاب

نظم

صاٸمہ ندیم

 

کتاب

پہلے دن جب کھولتے ہیں کتاب

تصو یریں سکھانے آتی ہیں آداب

لڑیوں میں پروۓ ہوۓ سب لفظ

الجھی تکراروں کے دیتے ہیں جواب 

 رہبر کی طرح زینے پار کراتی ہے 

گلے ملتا ہے جب بچپن سے شباب

اک تصور سے دیکھتے ہیں شہرِزاد

ڈھونڈ لیتے ہیں ہر منظر ہر سراب

اصول زندگی ہو یا حصول بندگی

 کتاب میں ہر عنوان ہے شامل نصاب

فلک کو چھو کر سمندر میں اتر گۓ

کتاب پروستی رہی پر تجسس باب 

کھوج لیتے ہیں جو اسے سوچ کر

زندگی سے زر کماتے ہیں بے حساب

 ذرخیز نہیں ہوسکتے افکار کے گلزار

کتاب ہی کرتی ہے ہر بنجر کو شاداب

مہک آتی رہتی ہے ان پھولوں سے تادیر

جنہیں استاد اور کتاب بناتے ہیں گلاب

 دوستی کر لی جس قوم نے کتاب سے

جھک گۓ اس کے سامنے رموز و رباب 

پہلے دن جو کھولتے ہیں کتاب 

اردو نظم ۔کتاب

تجزیہ

شاعرہ

:اردو نظم کتاب شاعرہ صاٸمہ ندیم نے٢٠٢٢میں لکھی۔ یہ نظم ان کی ویب ساٸٹ چندا ماموں ١٢٣ پر شاٸع ہوٸ۔ اسلام آباد سے تعلق رکھنے والی شاعرہ صاٸمہ ندیم  اردو نظموں کے علاوہ کٸ اردو اور انگریزی کہانیوں کی مصنفہ بھی ہیں۔ اس کے علاوہ آج کل وہ لاہور کے ایک کالج میں درس و تدریس کے فراٸض انجام دے رہی ہیں جہاں ننھے ننھے معصوم ذہنوں سے لیکر شرارتی لڑکپن تک کے تمام مراحل سے محظوظ ہوتی ہیں۔  یہ کہانیاں اور نظمیں ان کی ویب ساٸٹ پر پڑھی جا سکتی ہیں۔

اردو نظم

کتاب 

مرکزی خیال

اردو نظم کتاب کا مرکزی خیال کتاب کی اہمیت اور خاص طور پر درسی کتب کے کسی طالب علم کی زندگی سنوارنے میں اہم کردار کے بارے میں ہے۔

    خلاصہ

اردو نظم کتاب میں شاعرہ صاٸمہ ندیم کہتی ہیں کہ جب ہم پہلے دن کتاب کھولتے ہیں تو پڑھنا نہیں جانتے لیکن کتابوں میں تصویروں کی مدد سے زندگی کے آداب سیکھنا شروع کردیتے ہیں۔ وہ نۓ لفظ ہمارے سوالوں کے جواب دیتی ہیں اور پھر کتاب ایک رہنما کی بچپن سے جوانی تک ہماری زندگی کا مخلص حصہ بن جاتی ہے۔ کتاب ہمیں تصورات کی دنیا میں لے جاتی ہے۔ دین اور دنیا کے راز سمجھاتی ہے ۔ شاید ہی کچھ ہو جو کتاب میں موجود نہ ہو۔ ایک بنجر زمین کی طرح بے فکر ذہن کو گلزار کر دینے میں کتاب کے علاوہ کسی اور چیز کا  ہاتھ نہیں۔ شاعرہ آخری شعر میں کہتیں ہیں کہ کتاب جتنی بھی اچھی ہو لیکن اچھا استاد اس کتاب پڑھنے والے کو گلاب کی مہکا دیتا ہے۔

Urdu nazm poem on the topic of kitaab is a famous poem from poetess Saima Nadeem.

Pehley din jo kholi thi kitaab

Tasveeron ney sikhaye they adaab