fusionstories

 اردو تصویری کہانی۔  پہاڑی علاقہ کی یادگار سیر آرٹسٹ فارعہ  جماعت ہفتم

جماعت ہفتم میں ضرب الامثال کی مدد سے کہانیاں لکھنے کا مقابلہ ہوا جس میں عبد الہادی مجید کی کہانی بہترین آٸ  کھودا پہاڑ نکلا چوہا ایک د فعہ ایک گاؤں میں ایک کسان رہتا تھا جس کا نام رحیم تھا۔ رحیم محنتی  تھا لیکن عقل کی کمی کا شکار تھا۔ وہ ہمیشہ کچھ بڑا کرنے کے خواب دیکھتا تھا، مگر جب کبھی کوئی منصوبہ بناتا تو نتیجہ ہمیشہ مضحکہ خیز نکلتا. ایک دن رحیم نے سوچا کہ کیوں نہ ایک پہاڑ کھود کر اس میں سے سونے کے سکے نکالے جائیں۔ اس نے گاؤں والوں کو بتایا کہ وہ پہاڑ کو کھودے گا اور سونا نکالے گا، تو سب نے ہنستے ہوئے کہا، رحیم، یہ کیا فضول بات ہے! پہاڑ کھودنے میں کتنا وقت اور محنت لگے گا؟ لیکن رحیم نے کسی کی بات نہیں سنی اور اپنی کھدائی کا آغاز کر دیا۔ اس نے ایک بڑی کدال لی اور پوری طاقت سے پہاڑ کی طرف بڑھا دن رات محنت کرتا رہا اس کی آنکھیں نیند سے بھری رہتیں، لیکن اس کا عزم پختہ تھا۔ کئی مہینے گزر گئے اور رحیم کی محنت جاری رہی۔ گاؤں کے لوگ روز اس کے پاس آئے اور مزاحیہ انداز میں کہتے، رحیم بھائی، اب کیا نکلا؟ سونے کے سکے یا چاند کی روشنی؟ رحیم ہر بار بڑے یقین سے کہتا، "بس ابهی تهوڑا اور کھ...

سکول گپیاں # #schoolgapian  قاسم کی کاپی۔  ۔”ماشاءاللہ۔۔۔۔اورآہستہ آہستہ  آٸیں۔۔۔۔ ابھی تو دس منٹ  ہی ہوۓ ہیں۔۔۔۔ پورا پیریڈ گزرنے دیں“۔۔۔ مس ملیحہ دروازے میں کھڑی چیخ رہی تھیں۔ ۔”مس وہ کمپیوٹر لیب سے  ہی دیر سے آۓ ہیں۔ مس ناٸلہ  کاپیاں چیک کر رہی تھیں"۔ ۔”بس ٹیچرز پرڈال دیں سارا ملبہ۔۔۔ جو آدھی کلاس آٸ بیٹھی ہے وہ کیسے آگٸ۔۔۔ اب جو آۓ گا وہ پورا پیریڈباہر  کھڑا رہےگا"۔  مس ملیحہ نے دروازہ بند کر  دیا۔ ۔”کتابیں کھولیں۔۔۔۔ علی نظم کی  پڑھاٸ شروع کریں" ابھی علی نے پڑھنا شروع ہی کیاتھاکہ دھڑام سے جماعت کادروازہ کھلااور حواس باختہ سا قاسم  سامنے کھڑا تھا۔ ۔”چلیں جی ۔۔دیکھیں کون تشریف لایا ہے۔۔۔ کلاس کے ٹاپر بچے بھی دیرسے آٸیں  گے“۔۔۔ ۔”مس میری کمپیوٹر کی کاپی  نہیں مل رہی“۔   قاسم نے حواس باختہ ہو کر بتایا۔   ۔”مل جاۓ گی۔۔۔ابھی بیٹھ کر اردو کا پڑھیں“۔   قاسم پریشان بیٹھ گیا۔ قاسم جماعت کا لاٸق بچہ تھا لیکن عادتاً ہر وقت تھوڑا پریشان رہتا تھا۔ جماعت میں کوٸ اس کا قریبی دوست بھی نہیں تھا۔ ابھی پڑھا ٸ ختم ہی ہوٸ ت...